Propósitos de emenda que non teño pensado cumplir.

Deixar de coñecer xente que, tal vez, non me aporte nada, aínda que pode que contribúa moito á miña vida.

Non volver namorarme cada vez que un sorriso altere os meus estados vitais.

Quedarme quieta parada. Nalgún lugar.

Borrar as túas marcas da miña pel.

Ir ó ximnasio tódolos días.

Para de me preocupar polos outros. E de tomarlles cariño.

Marcar un límite de gasto en libros e música.

Recuperar o siso que perdín aquel agosto que te coñecín.

Marcar un límite de gasto para viaxes, e peaxes, e gasolina, e kilómetros recorridos.

Ver máis a televisión. A ver se aprendo algo con ela.

Estimular o pensamento crítico é algo negativo; así que vou parar de facelo.

Dirixirme polo camiño da decencia, os bos costumes, a moral e a virtude, abandonando a impudicia e a indecencia.